گستاخ رسول ﷺ کو کوئی معاف نہیں کرسکتا ، جماعت الدعوة کے سربراہ نے مفتیان کرام کو چیلنج دیدیا

جمعہ, 01 اپریل 2016 15:52

جماعت الدعوة کے سربراہ حافظ سعید نے کہاکہ ہے مفتیان کرام ایک دلیل دکھائیں کہ اللہ اور اس کے نبی ﷺ کی گستاخی ہوتو کوئی مفتی یا کوئی ادارہ معاف کرسکتاہے ، تحقیق کیساتھ بات کریں ، کوئی معاف نہیں کرسکتا، معافی صرف اللہ دے سکتاہے ، یہ حکومت کا حق ہے اور نہ ہی کسی ادارے کا ، اللہ صرف معاف کرے گا اور وہ بھی کس پر وحی بھیجے گا کہ معاف کردیا۔
ریلی سے خطاب کرتے ہوئے جماعت الدعوة کے سربراہ حافظ سعید کاکہناتھاکہ بعض مفتیان کرام نے کہاکہ اگر معافی مانگ لی گئی تو اس کے بعد کوئی بات نہیں کی جاسکتی ، تمام مفتیان کرام کو چیلنج کرتاہوں کہ اس ضمن میں کوئی ایک دلیل دکھاﺅ کہ اللہ کی شریعت میں نبی ﷺ یا اہل بیت کی گستاخی کی ہو اور پاکستان کا کوئی مفتی اس کو معاف کردے ، معافی صرف اللہ دے سکتاہے اور یہ مسئلہ قیامت کے دن کاہے ، یہی شرعی اصول ہے ، اس طرح کے بیانات اور قوم کو فکری انتشار میں مبتلا کر دینے سے ہمارے علمائے کرام کو بچنا چاہیے۔

جماعت الدعوۃ کے ذمہ دار ذرائع  نے ٹیلی فون کرکے واضح کیاکہ حافظ سعید کا بیان کسی بھی شخصیت سے متعلق نہیں بلکہ ایک نشریاتی ادارے سے متعلق تھا اور اس میڈیا گروپ نے مبینہ طورپر اہل بیت کی توہین کی تھی  لیکن اس بیان کو  پس منظر سے ہٹ پر پیش کیاگیا ۔

یہاں یہ امر بھی قابل ذکر ہے کہ اس سے قبل مولاناطارق جمیل سمیت کئی مفتیان کے جنید جمشید سے متعلق بیانات خبروں میں آچکے ہیں اور مولاناطارق جمیل کاکہناتھاکہ ’جنید جمشید کاکیا حشر کردیا اور یہ نیک انسان 17سال سے اللہ کا نام لے رہاتھا اور اس پر گستاخ کی تحمتیں لگادی گئیں ، یہ اسلام ہے؟ ان بیانات کے ویڈیو کلپ سوشل میڈیا پر بھی موجود ہیں تاہم جماعت الدعوۃ کی طرف سے وضاحت دی گئی ہے کہ وہ حافظ سعید کا بیان جنید جمشید نہیں بلکہ ایک میڈیا گروپ سے متعلق تھا

Read 199 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto