دوسرا ون ڈے: آسٹریلیا نے بھارت کو 7 وکٹوں سے شکست دیدی، سیریز میں 0-2 کی برتری

جمعہ, 15 جنوری 2016 17:23

برسبین (مانیٹرنگ ڈیسک) آسٹریلیا نے دوسرے ایک روزہ میچ میں بھارت کو 7 وکٹوں سے شکست دے کر پانچ میچوں کی سیریز میں 2-0 کی برتری حاصل کر لی ہے۔ 
تفصیلات کے مطابق برسبین کرکٹ گراﺅنڈ میں کھیلے گئے میچ میں بھارت نے ٹاس جیت کر پہلے بیٹنگ کا فیصلہ کیا اور مقررہ 50 اوورز میں 8 وکٹوں کے نقصان پر 308 رنز بنائے۔ روہت شرما نے اس میچ میں بھی بہترین بلے بازی کی اور 3 چھکوں اور11 چوکوں کی مدد سے 124 رنز بنائے۔ دیگر بلے بازوں میں اجنکیا ریحانے 89، ویرات کوہلی 59، شیکھر دھون6، مہندرا سنگھ دھونی 11، منیش پانڈے 6، روندرا جدیجا 5، اور ایشوین نے 1 سکور بنایا۔ 
آسٹریلیا کی جانب سے جیمز فالکنر نے 2 کھلاڑیوں کو پویلین کی راہ دکھائی جبکہ جول پارس، ہیسٹنگز اور سکاٹ بولانڈ نے ایک ایک وکٹ حاصل کی۔ 
ہدف کے تعاقب میں آسٹریلوی اوپنرز میدان میں آئے اور بھارتی باﺅلرز پر قہر بن کر ٹوٹے۔ ایرون فنچ اور شان مارش نے شاندار کھیل کا مظاہرہ کرتے ہوئے ٹیم کو 145 رنز کا آغاز فراہم کیا اور جیت کی بنیاد رکھ دی۔ دونوں کھلاڑیوں نے 71,71 رنز کی اننگز کھیلی۔ دیگر بلے بازوں میں سٹیو سمتھ نے 46، جارج بیلی نے 76 اور گلین میکسویل 26 رنز بنانے میں کامیاب ہوئے۔ 
بھارت کی جانب سے ایشانت شرما، امیش یادوو اور رویندرا جدیجا نے ایک ایک وکٹ حاصل کی۔

Read 1123 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto