مصطفیٰ کمال اب کوئی کمال نہیں دکھا پائیں گے ، منظور وسان

ہفتہ, 02 اپریل 2016 21:47

خیرپور: سندھ کے وزیر معدنیات منظور وسان کا کہنا ہے کہ اپریل کا مہینہ موسمی گرمی کے ساتھ سیاسی گرمی سے بھی لبریز ہوگا ۔ اور بہت کچھ بدل جائے گا ۔

اپنے خوابوں کے ذریعے پیشگی اطلاع دینے والے مشہور وزیر منظور وسان نے ایک بار پھر پیشگوئی کی ہے کہ اپریل میں بہت کچھ بدلا ہوا نظر آئے گا ۔ اور موسمی گرمی کے ساتھ سیاسی گرمی بھی اپنے عروج پر ہوگی ۔ خیرپور میں میڈیا سے بات کرتے ہوئے صوبائی وزیر معدنیات منظور وسان کا کہنا تھا کہ  ہم نے جیلوں کی صفائی شروع کردی ہے اور بہت جلد پیپلز پارٹی کے خلاف بننے والے گرینڈ الائنس کے اراکین قطاروں کی صورت میں جیلوں میں جائیں گے ۔ ان کا کہنا تھا کہ گرینڈ الائنس والے دل کھول کر پیپلز پارٹی کے خلاف تحریک چلائیں ۔ ماضی میں بھی اس طرح کے الائنس بنتے رہے ہیں لیکن ہماری جماعت ثابت قدمی کے ساتھ بڑھتی رہی ہے اور اب بھی یہی ہو گا ۔

منظور وسان نے سابق سٹی ناظم کراچی مصطفیٰ کمال کے بارے میں بتایا کہ مصطفیٰ کمال ملک کی سیاست میں کوئی بڑا مقام نہیں بنا سکیں گے، آئندہ ماہ ان کی شہرت میں نمایاں کمی آجائے گی ۔ انہوں نے جو وکٹیں گرانی تھیں وہ گرا دیں اب مصطفیٰ کمال کوئی بڑا کمال نہیں دکھاسکیں گے ۔

Read 248 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto