پاناما لیکس پرتحریک شروع ہونے سے پہلے ہی پی پی اورپی ٹی آئی میں اختلافات پیدا ہوگئے

ہفتہ, 09 اپریل 2016 17:12

اسلام آباد: پاناما لیکس کے معاملے پر حکومت کے خلاف تحریک شروع ہونے سے پہلے ہی پیپلز پارٹی اور تحریک انصاف میں اختلافات پیدا ہوگئے ہیں۔
نجی ٹی وی  کے مطابق پاناما لیکس میں وزیر اعظم نواز شریف کے بچوں کے نام سامنے آنے پر پی ٹی آئی اور پی پی نے حکومت کو ٹف ٹائم دینے کا فیصلہ کرتے ہوئے متحدہ اپوزیشن کا کردار اداکرنے کا فیصلہ کیا تھا تاہم یہ بیل اب منڈھے چڑھتی نظر نہیں آرہی کیونکہ دونوں جماعتوں میں 3 اہم نکات پر اختلافات پیدا ہوگئے ہیں۔
پی ٹی آئی نے مطالبہ کیا ہے کہ وزیر اعظم نواز شریف استعفیٰ دے کر پاناما لیکس کی تحقیقات کرنے والے کمیشن کے سامنے پیش ہوں جبکہ پی پی نے اس تجویز کی مخالفت کردی ۔ اپوزیشن لیڈر خورشید شاہ کا کہنا ہے کہ وہ وزیر اعظم سے استعفیٰ کا مطالبہ نہیں کریں گے۔
اس کے علاوہ پی ٹی آئی نے اسلام آباد کی بجائے وزیر اعظم کی رہائش گاہ رائیونڈ میں دھرنا دینے کا اعلان کیا تھا جس کی پی پی نے مخالفت کردی ہے اور دھرنے میں ساتھ نہ دینے کا اعلان کیا ہے۔ علاوہ ازیں پی ٹی آئی نے تجویز دی تھی کہ سینیٹ کے آئندہ ہونے والے اجلاس کا احتجاجاً بائیکاٹ کیا جائے گا تاہم پی پی اس بات پر بھی رضا مند نظر نہیں آرہی ۔

Read 245 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto