دورہ انگلینڈ کیلئے عارضی طور پر کسی کو بھی کوچ بنایا جا سکتا ہے۔ شہریار خان

جمعرات, 14 اپریل 2016 14:25

چیئرمین پی سی بی شہریار خان نے کہا ہے کہ کوچ اور سلیکشن کمیٹی کے حوالے سے تاحال کوئی فیصلہ نہیں کیا اور اس حوالے سے صرف افواہیں زیر گردش ہیں قومی ٹیم کے دورہ انگلینڈ کیلئے مستقل کی جگہ عارضی کوچ آسکتا ہے۔
پاکستان کرکٹ بورڈ کے سالانہ جنرل اجلاس کے بعد میڈیا سے غیر رسمی گفتگو کرتے ہوئے چیئرمین پی سی بی کا کہنا تھا کہ ٹیم کیلئے مستقل کوچ کے انتخاب میں کچھ وقت درکار ہے جس میں ملکی و غیر ملکی کوچز کیلئے یکساں مواقع ہیں اور معین خان، محسن حسن خان سمیت سب کیلئے دروازے کھلے ہیں ، سابق ٹیسٹ کرکٹرز میں سے کسی کو بھی کوئی بھی عہدہ دیا جاسکتا ہے۔ نئی سلیکشن کمیٹی کا اعلان ایک سے 2 روز میں کرسکتے ہیں اور اس حوالے سے 2 سے 3 روز میں اہم اعلان کروں گا ۔
انہوں نے کہا کہ محمد حفیظ کے باولنگ ایکشن کا ٹیسٹ 8 جولائی کو چنائی میں ہوگا، پاکستان میں 8 سال بعد آئندہ 2 سے 3 روز میں بائیو مکینک لیب کام کرنے لگے گی اور محمد حفیظ آئی سی سی کی لیب سے پہلے یہاں اپنا ٹیسٹ کراسکتے ہیں۔

Read 209 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto