بلوچستان سے تین افراد کی تشدد زدہ لاشیں برآمد

پیر, 25 اپریل 2016 13:09

پاکستان کے صوبہ بلوچستان کے ضلع کیچ سے تین افراد کی تشدد زدہ لاشیں برآمد کی گئی ہیں۔

حکام کے مطابق تینوں افراد کو گولیاں مار کر ہلاک کیا گیا ہے۔

کیچ کے ہیڈکوارٹر تربت میں انتظامیہ کے ذرائع کے مطابق ان افراد کی لاشیں ضلعے کے علاقے ہوشاپ سے ملی ہیں۔

انتظامیہ کے ذرائع نے بتایا کہ انھیں ہوشاپ میں لاشوں کی موجودگی کی اطلاع ملی تھی جس کے بعد لیویز فورس کے اہلکاروں نے جائے وقوعہ پر پہنچ کر اس خبر کی تصدیق کی۔

انتظامیہ کے ذرائع نے بتایا کہ ہوشاپ میں ان افراد کی شناخت نہیں ہو سکی جس کے باعث ان لاشوں کو تربت میں ڈسٹرکٹ ہیڈ کوارٹر ہسپتال منتقل کیا جا رہا ہے۔

ذرائع کے مطابق مارے جانے والے تینوں افراد کی لاشیں زیادہ پرانی نہیں ہیں۔

ان افراد کو ہلاک کرنے کے محرکات تاحال معلوم نہیں ہوسکے۔

کیچ بلوچستان کا ایران سے متصل سرحدی ضلع ہے جس کی آبادی مختلف بلوچ قبائل پر مشتمل ہے۔

گذشتہ کئی سال سے اس ضلعے میں بدامنی کے واقعات رونما ہونے کے ساتھ ساتھ تشدد زدہ لاشوں کی برآمدگی کا سلسلہ بھی جاری ہے۔

کیچ اور بلوچستان کے دیگر علاقوں سے ایسی لاشوں کی برآمدگی کا سلسلہ 2008 سے جاری ہے تاہم سرکاری حکام کا دعویٰ ہے کہ پہلے کے مقابلے میں ان واقعات میں کمی آئی ہے۔

Read 377 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto