مٹھی بھرلوگ پاکستان اوربھارت کے عوام کے درمیان امن نہیں چاہتے

منگل, 26 اپریل 2016 12:58

پاکستان کے معروف غزل گائیک غلام علی کہتے ہیں کہ پاکستان اوربھارتی کے عوام امن اور بھائی چارہ چاہتے ہیں لیکن چند مٹھی بھر لوگوں کو شاید یہ گوارا نہیں۔

برطانوی نشریاتی ادارے کے مطابق ہمسائے آپس میں بھائی ہوتے ہیں اس لئے ان میں تو باہمی محبت اور یگانگت ہی ہونی چاہیے۔ اس لیئے چاہے وہ کھیل کا میدان ہویا پھرموسیقی ، دونوں ممالک کے عوام امن اوربھائی چارہ چاہتے ہیں لیکن چند مٹھی بھرلوگوں کوشاید یہ گوارا نہیں۔

غلام علی کا کہنا تھا کہ پاکستان اوربھارت کے درمیان جاری سیاسی معاملات میں فنکاروں کا کوئی عمل دخل نہیں لیکن فنکاردونوں ملکوں میں محبت کے فروغ کا پیغام دیتے ہیں لیکن کچھ ایسی طاقتیں ہیں جن کی وجہ سے اصل گڑبڑ ہوتی ہے کیونکہ یہ لوگ نہیں چاہتے کہ ہم آپس میں مل کربیٹھیں۔ وہ امید کرتے ہیں کہ نئی دلی میں ہونے والی پاک بھارت سیکریٹری خارجہ ملاقات سے اچھے نتائج برآمد ہوں۔

واضح رہے کہ غلام علی کوبھارت میں بڑی پزیرائی حاصل ہے تاہم جب سے نریندر مودی وزیر اعظم بنے ہیں ہندو انتہا پسندوں کی جانب سے انہیں کئی مرتبہ سنگین نتائج کی دھمکیاں دی جاچکی ہیں جس کی وجہ سے بھارت میں ان کے کچھ میوزک کنسرٹ منسوخ کردیئے گئے۔

Read 292 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto