دمشق میں حضرت بی بی زینب کے مزار کے قریب خودکش حملہ، 16 افراد جاں بحق، متعدد زخمی

منگل, 26 اپریل 2016 16:33

دمشق: شامی دارالحکومت دمشق میں حضرت زینبؓ کے مزار کے قریب خودکش حملے میں 16 افراد جاں بحق اور 40 سے زائد زخمی ہوگئے۔

غیر ملکی خبر رساں ادارے کے مطابق  شام کے دارالحکومت دمشق میں حضرت بی بی زینبؓ کے مزار کے قریب علاقے زینبیہ میں ایک کار بم دھماکے میں 16 افراد جاں بحق جب کہ 40 سے زائد زخمی ہوگئے ہیں ۔ شام کی سرکاری خبر ایجنسی  کے مطابق زینبیہ میں ہونے والا دھماکا خود کش تھا اور خود کش بمبار نے بارودی مواد سے بھری کار کوعلاقے میں قائم ایک ملٹری چیک پوسٹ پر ٹکرا دیا جس کے نتیجے میں 16 افراد جاں بحق اور 40 زخمی ہوئے جنہیں فوری طبی امداد کے لیے قریبی اسپتال منتقل کیا گیا۔

دوسری جانب انسانی حقوق کی تنظیم نے واقعے کی تصدیق کرتے ہوئے بتایا کہ کار بم دھماکا حضرت بی بی زینبؓ کے مزار سے 700 میٹر دور ایک فوجی چیک پوسٹ پر ہوا جو رہائشی علاقے میں قائم ہے جب کہ دھماکے کے نتیجے میں ہلاکتوں میں اضافے کا خدشہ ہے۔

واضح رہے کہ رواں سال جنوری میں بم حملے میں 70 جب کہ فروری میں حضرت بی بی زینبؓ کےمزار کے قریب بم دھماکوں میں 134 افراد جاں بحق ہوگئے تھے  اور دھماکوں کی ذمہ داری شدت پسند تنظیم داعش نے قبول کی تھی۔

Read 377 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto