صیہونی ریاست کے فلسطینیوں پر مظالم جاری،ایک بار پھر غزہ پر بمباری

جمعرات, 05 مئی 2016 15:30

مقبوضہ بیت المقدس : صیہونی ریاست کی جانب سے مظلوم فلسطینیوں پر مظالم کا سلسلہ جاری ہے۔گزشتہ شب بھی اسرائیلی طیاروںنے فلسطینی علاقوں پر بمباری کی۔

اسرائیلی فوج کا کہنا ہے کہ اس نے بدھ کی رات غزہ میں چار مقامات کو فضائی حملوں کا نشانہ بنایا۔ اس سے قبل دن کو بھی غزہ میں فضائی کارروائیاں کی گئیں۔فوج نے ایک بیان میں کہا کہ ”رات کو اسرائیلی فورسز پر جاری حملوں کے جواب میں اسرائیلی فضائیہ کے طیاروں نے شمالی غزہ میں حماس کے چار ٹھکانوں کو نشانہ بنایا۔“

اسرائیلی فورسز کا دعویٰ ہے کہ حماس نے اسرائیل میں مارٹر گولے برسائے۔ابھی کسی گروپ نے مارٹر گولے برسانے کی ذمہ داری قبول نہیں کی اور نہ ہی ان میں کسی کے ہلاک ہونے کی اطلاع ہے۔

اسرائیل کا کہنا ہے کہ حماس ایسی سرنگیں بنا رہی ہے جو غزہ سے اسرائیلی علاقے تک پہنچ سکیں جو اسرائیلی فوج کے ترجمان پیٹر لرنر کے بقول ان فضائی حملوں کی وجہ بھی ہیں۔
فضائی کارروائیوں کے بعد ایک بیان میں پیٹر لرنر نے کہا کہ ”حماس کے سرنگوں کے نیٹ ورک کی نشاندہی کرنا اور انہیں تباہ کرنا ہماری پہلی ترجیح ہے۔ یہ ناقابل قبول خطرہ ہے۔“
فلسطین میں تشدد میں اضافہ اس جنگ بندی کا امتحان ہو گا جو 2014 کے موسم گرما میں غزہ میں 50 روزہ جنگ کے بعد سے نافذ ہے۔

Read 431 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto