میلبرن میں دوسرے ٹی 20 میں بھارت کا جارحانہ آغاز

جمعہ, 29 جنوری 2016 14:32

میلبرن میں آسٹریلیا کے خلاف سیریز کے دوسرے ٹی ٹوئنٹی میچ میں بھارتی اننگز جاری ہے اور اوپنرز نے جارحانہ انداز اپنایا ہے۔

جمعے کو آسٹریلیا کے کپتان ایرون فنچ نے ٹاس جیت کر بھارت کو پہلے کھیلنے کی دعوت دی اور اب سے کچھ دیر قبل تک مہمان ٹیم نے 11 اوورز میں بغیر کسی نقصان کے 95 رنز بنا لیے تھے۔

اس وقت کریز پر شیکھر دھون اور روہت شرما موجود ہیں اور دونوں نے وکٹ کے چاروں جانب دلکش سٹروکس کھیلے ہیں۔

اس میچ کے لیے آسٹریلیا نے تین کھلاڑیوں کو ڈیبیو کروایا ہے جن میں اینڈریو ٹائی اور سکاٹ بولینڈ کے علاوہ ایک روزہ اور ٹیسٹ کرکٹ کے تجربہ کار سپنر نیتھن لیون شامل ہیں۔

پانچ برس کے بعد آسٹریلوی ٹیم میں واپسی کرنے والے شان ٹیٹ اس میچ کے لیے ٹیم میں جگہ نہیں بنا سکے ہیں۔

بھارت کو فی الوقت تین میچوں کی سیریز میں ایک صفر کی برتری حاصل ہے۔

بھارت نے ایڈیلیڈ میں کھیلے جانے والے پہلے ٹی ٹوئنٹی میچ میں 37 رنز سے فتح حاصل کی تھی۔

Read 256 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto