داعش افغانستان سے لکڑی کاٹ کر پاکستان سمگل کر رہی ہے:وائس آف امریکہ

بدھ, 10 فروری 2016 20:30

کابل(مانیٹرنگ ڈیسک)وائس آف امریکہ نے دعویٰ کیاہے کہ داعش افغانستان میں سے درخت کاٹ کر پاکستان سمگل کر رہی ہے ۔

وائس آف امریکہ کے مطابق افغان حکام اور قبائلی عہدیداروں کا کہناہے کہ روزانہ کی بنیاد پر لکڑی سے بھرے ہوئے ٹرک غیر قانونی طور پر پاکستان بھیجے جاتے ہیں جبکہ لکڑی کی کچھ مقدار مقامی مارکیٹ میں بھی فروخت کی جاتی ہے ۔کنار کے رہائشی محمد رفیق کا کہناہے کہ لکڑی پشاور کے علاوہ کندھار کے راستے کوئٹہ بھی سمگل کی جاتی ہے جبکہ کچھ مقدار میں لکڑی کو کراچی کے راستے دبئی بھی سمگل کیا جاتاہے ۔مقامی رہائشی ملک ہاشم نازیان قبیلے کے عہدیدار نے دعویٰ کیا کہ سمگلنگ پاک افغان بارڈر ڈیورنڈ لائن کے ساتھ علاقوں میں سے کی جاتی ہے ۔
مقامی شہریوں کا کہناہے حکومت نے اس حوالے سے آنکھیں بند کی ہو ئیں ہیں اور کوئی بھی اقدام نہیں کیا جارہاہے جبکہ ایک شہری کا کہناہے کہ کالعدم تنظیم داعش کیلئے کچھ مقامی لوگ سہولت کار کا کام کر رہے ہیں جو کہ لکڑی مقامی مارکیٹ تک پہنچاتے ہیں ۔ننگھار ایگری کلچر ڈائریکٹوریٹ کے ڈائریکٹر نے کہاہے کہ انہوں نے اس بارے میں سنا ہے لیکن درخت کاٹنے کا سلسلہ ابھی صرف ایک ضلع میں ہو رہاہے ۔دیہبالہ واحد ضلع ہے جہاں لکڑی کاٹنے کا سلسلہ تاحال جاری ہے ،ہم اس کو روکنے کیلئے مقامی عہدیداروں سے بات چیت کر رہے ہیں اور جلد ہی اس پر قابو پا لیا جائے گا ۔

Read 277 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto