نیب صوبائی محکموں کا احتساب نہیں کرسکے گا ،سندھ احتساب اتھارٹی کے قیام کا قانونی مسودہ تیار

پیر, 29 فروری 2016 21:20

سندھ احتساب اتھارٹی قائم کرنے کے لئے مسودہ قانون تیار کر لیاگیا ہے جسے کابینہ کی منظوری کے بعد اسمبلی میں پیش کیا جائے گا،سندھ احتساب اتھارٹی کا سربراہ اعلیٰ عدلیہ کا ریٹائرڈ جج یا 20 گریڈ یا اس سے بڑے گریڈ کا ریٹائرڈ سرکاری افسر ہوگا۔چیئرمین کا تقرر پارلیمانی کمشن کرے گاجس میں حزب اختلاف اور حزب اقتدار کے ارکان برابر تعداد میں شامل کئے جائیں گے ۔مسودہ قانون کے مطابق احتساب اتھارٹی کے سربراہ کے تقرر کے لئے پارلیمانی کمیشن تشکیل دیا جائے گا جس میں حکومت اور اپوزیشن کے اراکین صوبائی اسمبلی کو مساوی نمائندگی دی جائے گی۔ مجوزہ قانون کے مطابق احتساب اتھارٹی کے قیام کے بعد صوبائی محکمہ اینٹی کرپشن اس میں ضم ہو جائے گا، اتھارٹی صوبائی اداروں کے احتساب کی مجاز ہوگی، سندھ حکومت کے ذرائع کے مطابق احتساب اتھارٹی کے قیام کے بعد نیب صوبائی محکموں کا احتساب نہیں کر سکے گا۔ مجوزہ قانون کے مطابق سندھ احتساب اتھارٹی مالی اور انتظامی حوالے سے خودمختار اور تمام تر انتظامی دباﺅ سے آزاد ہوگی۔ ذرائع کے مطابق اتھارٹی کا ڈرافٹ حکومت سندھ کے قانونی مشیر مرتضیٰ وہاب کی سربراہی میں قائم کمیٹی نے تیار کیا ہے ، مسودہ تیار کرنے سے قبل قومی احتساب بیورو اور خیبرپختونخواہ کے احتساب کمیشن کے قوانین کا بھی مد نظر رکھا گیاہے۔

Read 355 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto