سرکاری کمپنیوں میں مسلم لیگ (ن) کے ارکان اسمبلی کی شمولیت ہائی کورٹ میں چیلنج

پیر, 29 فروری 2016 21:24

لاہور: پاکستان تحریک انصاف نے پنجاب حکومت کی پبلک سیکٹر کمپنیوں میں مسلم لیگ (ن) کے اراکین اسمبلی کی شمولیت کو لاہور ہائیکورٹ میں چیلنج کر دیا، جسٹس علی اکبر قریشی آج یکم مارچ کو اپوزیشن لیڈر پنجاب اسمبلی کی درخواست پر سماعت کریں گے ۔اپوزیشن لیڈر پنجاب اسمبلی میاں محمود الرشید نے شیراز ذکاءایڈووکیٹ کی وساطت سے دائر درخواست میں موقف اختیار کیا ہے کہ پنجاب حکومت نے صاف پانی کمپنی، لاہور ویسٹ مینجمنٹ کمپنی، لاہور ٹرانسپورٹ کمپنی، لاہور پارکنگ کمپنی اور ایگریکلچر میٹ کمپنی کے بورڈ آف ڈائریکٹرز میں مسلم لیگ (ن) کے 11اراکین اسمبلی کو شامل کر رکھا ہے جن میں ایم پی اے رمضان صدیق بھٹی، حسین جہانیاں گردیزی، نسرین نواز، کرن ڈار، امان اللہ خان، قاضی عدنان فرید، رانا بابر حسین، چودھری لعل حسین، محمود قادر خان، قمر الاسلام، وحید گل اور ماجد ظہور شامل ہیں، درخواست میں کہا گیا ہے کہ مسلم لیگ (ن) کے اراکین اسمبلی کمپنیوں کی آڑ میں کرپشن کر رہے ہیں اور اپنی من پسند کمپنیوں کو آگے ٹھیکے دے رہے ہیں، پبلک سیکٹر کارپوریٹ گورننس رولز کے مطابق اراکین اسمبلی کو کسی پبلک سیکٹر کمپنی میں شامل نہیں کیا جا سکتا ، پنجاب حکومت ان کمپنیوں کی آڑ میں بلدیاتی نمائندوں کے اختیارات استعمال کر رہے ہیں، درخواست میں استدعا کی گئی ہے کہ ان اراکین اسمبلی کی پبلک سیکٹر کمپنیوں میں تعیناتی کالعدم کی جائے۔

Read 339 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto