ویسٹ انڈیز سے ٹوئنٹی میں بدترین ہار، ویرات کوہلی انوشکا شرما کے ساتھ ایسی جگہ چلے گئے کہ سوشل میڈیا پر تہلکہ مچ گیا

جمعرات, 13 جولائی 2017 15:57

واشنگٹن: بھارتی ٹیم کے کپتان ویرات کوہلی ویسٹ انڈیز سے واحد ٹوئنٹی میں بد ترین شکست کے بعد ذہنی دباﺅ کو کم کرنے کے لیے اپنی محبوبہ انوشکاشر ما کے ساتھ امریکہ چلے گئے۔ تفصیل کے مطابق ویرات کوہلی کرکٹ کی مصروفیات کی وجہ سے ایک لمبے عرصے سے بیرون ملک دوروں پرتھے ۔پہلے آئی سی سی چیمپینز ٹرافی کھیلنے انگلینڈ گئے جہاں پاکستان نے بھارت کو تاریخ کی سب سے بری شکست کا مزہ چکھا یا اس کے بعد بھارتی ٹیم انگلینڈ سے سیدھا ویسٹ انڈیز چلی گئی جہاں بھارت نے ویسٹ انڈیز کی ٹیم کو ون ڈے سیریز میں تو شکست سے دو چار کردیا لیکن پھر دونوں ٹیموں کے در میان واحد ٹی ٹونئٹی میچ میں کالی آندھی نے بھارت کو عبرتناک شکست سے دو چار کردیا ،جس کے بعد کوہلی کافی تناﺅ میں دکھائی دیے ۔اب ویرات کوہلی اپنی محبوبہ کے ساتھ امریکہ میں چھٹیا ں منا رہے ہیں تاکہ اپنے تناﺅ کو ختم کر سکیں۔

سوشل میڈ یا ایپ انسٹا گرام پر ویرات کوہلی نے انوشکا شرما کے ساتھ ایک تازہ تصویر شیئر کی ہے جس میں پریمی جوڑا گاڑی میں بیٹھا ایک دوسرے کے ساتھ معیاری وقت گزار رہا ہے ۔اس تصویر کے ساتھ ہی ویرات کوہلی نے پیغام دیا کہ اپنے پیار کے ساتھ یہ چھٹیاں بہت ضروری تھیں ۔ بھارتی کپتان کی اس پوسٹ پر سوشل میڈ یا صارفین نے کھل کر اپنے جذبات کا اظہار کیا ،کسی نے پریمی جوڑے کے لیے نیک تمناﺅں کا اظہار کیا تو کسی نے ویسٹ انڈیز سے شکست پر ویرات کو تنقید کا نشانہ بنا یا ۔

Read 6845 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto