بارش کی مداخلت روکنے کیلیے کرکٹ گراﺅنڈز پر بڑا ٹینٹ لگانے کا منصوبہ

بدھ, 04 اکتوبر 2017 19:48

لندن: بارش کی وجہ سے کھیل رکنے کا سلسلہ اب قصہ پارینہ بن جائے گا کیونکہ ایک ایسی ٹیکنالوجی پر کام ہو رہا ہے جس کے ذریعے بارش کے دوران کرکٹ گراﺅنڈز پر ایک بہت بڑی کنوپی لگائی جائے گی اور کھیل کو ممکن بنایا جا سکے گا۔ برطانوی جریدے کی رپورٹ کے مطابق ایک امریکی کمپنی نے انگلش کرکٹ بورڈ سے رابطہ کرتے ہوئے اسپورٹس ایونٹس میں بارش کی مداخلت روکنے کیلیے اپنا پروپوزل پیش کیا ہے، ایک بہت بڑے اور شفاف جال کو فلڈ لائٹس کے ساتھ تاروں لگا کر منسلک کیا جائے گا اور جال کو درمیان سے اٹھا کر ایک ٹینٹ کا روپ دینے کیلیے گرم گیسی غبارہ ہو گا۔ انگلش بورڈ کے ترجمان کا کہنا ہے کہ ہم کھیل میں جدید ٹیکنالوجی اور نئے طریقے متعارف کروانے پر غور کر رہے ہیں۔ اس حوالے سے ابھی بہت سے معاملات پر مثلا اوپر بہنے والے پانی کو ٹھکانے لگانے اور تیز ہواﺅں میں حفاظتی اقدامات کیلیے سنجیدگی سے کام کرنے کی ضرورت ہے، اور اس نئی ٹیکنالوجی کو حقیقت میں بدلنے میں 2 سال کا عرصہ لگ سکتا ہے۔ انگلینڈ میں بارشوں کی وجہ سے اکثر کھیل متاثر ہوتا ہے، اگر اس نئی ٹیکنالوجی کی آزمائش کامیاب رہی تو خراب موسم میں بھی کھیل جاری رکھنا ممکن ہو سکے گا۔

Read 507 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto