کیرالہ مندر آتش زدگی کے ضمن میں پانچ افراد گرفتار

پیر, 11 اپریل 2016 15:24

انڈیا کی جنوبی ریاست کیرالہ میں پولیس نے ہندو مندر میں دھماکے اور آگ کے سلسلے میں پانچ لوگوں کو حراست میں لیا ہے۔ اس واقعے میں سو سے زائد افراد ہلاک ہوئے تھے۔

مندر میں کام کرنے والے ان پانچوں افراد سے جشن کے دوران آتش بازی کے بارے میں پوچھ گچھ کی جا رہی ہے جس کی وجہ سے بڑا دھماکہ ہوا۔

حکام نے پہلے ہی اس واقعے کی عدالتی تحقیقات کا حکم دے دیا ہے۔ پولیس مزید ایسے لوگوں سے بھی بات کر رہی ہے جو مندر اور اس میلے کے نگران تھے۔

آتش بازی کے دوران ایک خراب راکٹ آتش بازی کے ذخیرے پر آ گرا جس سے آگ بھڑک اٹھی۔ آگ اور دھماکے میں دیگر چار سو افراد زخمی بھی ہوئے ہیں

اسی دوران دھماکے سے مندر کی عمارت منہدم ہو گئی جس کے باعث مزید افراد مارے گئے۔

اس میلے کے لیے ہزاروں افراد مندر کے باہر جمع تھے۔

حکام کا کہنا ہے کہ تحفظِ عامہ کے پیشِ نظر مندر کو آتش بازی کی اجازت نہیں دی گئی تھی لیکن وہاں موجود ہجوم کے اصرار پر آتش بازی کی گئی۔

پولیس چیف پرکاش نے خبر رساں ادارے اے ایف پی کو بتایا کہ پانچ لوگوں سے پوچھ گچھ جاری ہے تاہم یہ گرفتاری نہیں ہے، اور گرفتاری کا فیصلہ پوچھ گچھ کے بعد ہی کیا جائے گا۔

ملک کے وزیرِ اعظم نریندر مودی نے وقوعے کا دورہ کرنے کے بعد کہا کہ یہ ایک افسوس ناک اور دل سوز واقعہ ہے۔

Read 110 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto