برفانی دور کے انسانوں کے اسرار سے پردہ اٹھ گیا

منگل, 03 مئی 2016 14:04

قدیم انسانی ہڈیوں کے ڈی این اے کے تجزیے سے یورپ میں برفانی دور کے باشندوں کے بارے میں اہم اسرار سے پردہ اٹھا ہے۔

سائنس دانوں نے 45 ہزار اور سات ہزار سال قبل کے دور کے 51 افراد کے ڈی این اے کا مطالعہ کیا، جس سے معلوم ہوتا ہے کہ ان کی جلد اور آنکھوں کے رنگ اور جسم کی دوسری خصوصیات کیا تھیں، اور مختلف آبادیوں کی آپس میں کیا رشتے داریاں تھیں۔

جینز کے تجزیے سے یہ بھی معلوم ہوا کہ برفانی دور کے یورپی لوگوں کی آنکھیں بھوری اور جلد کی رنگت گہری تھی۔

14 ہزار سال پہلے کہیں جا کر نیلی آنکھیں نمودار ہوئیں، جب کہ گوری رنگت سات ہزار سال قبل ظاہر ہوئی۔

تحقیق سے 40 ہزار سال کے زمانۂ قبلِ تاریخ دور پر روشنی پڑتی ہے اور یہ پتہ چلتا ہے کہ اس قدیم دور میں بھی لوگ حالیہ زمانے کی طرح بڑی باقاعدگی سے ادھر ادھر ہجرت کرتے رہتے تھے۔

یہ بھی معلوم ہوا کہ 37 ہزار اور 14 ہزار قبل کے یورپ کی تمام آبادیاں ایک ہی گروہ کی اولاد ہیں۔

تحقیق کے شریک مصنف پروفیسر ڈیوڈ رائک نے

 بتایا کہ ’ہم نے آغاز سے لے آج تک کے انسانوں کا مطالعہ کیا ہے جس سے آبادیوں میں وقت کے ساتھ تبدیلی کی تصویر سامنے آتی ہے۔‘

14 ہزار سال قبل یورپ کے لوگ جینیاتی طور پر مشرقِ وسطیٰ، قفقاز اور ترکی کی آبادیوں سے زیادہ قریب ہیں۔ یہ وہ وقت تھا جب برفانی دور کے اختتام پر برف پگھل رہی تھی اور اس سے عکاسی ہوتی ہے کہ ممکنہ طور پر لوگ یورپ کے جنوب مشرق سے ہجرت کر کے یورپ میں آباد ہو گئے ہوں۔

اس زمانے کے لوگوں کے ڈی این اے میں نی اینڈرتھال کے ساتھ اختلاط کے زیادہ آثار ملتے ہیں، لیکن رفتہ رفتہ انسانی ڈی این اے میں نی اینڈرتھال کے اثرات کم ہوتے چلے گئے، جس کی ایک ممکنہ وجہ یہ ہو سکتی ہے کہ ان کے جینز انسانوں کے لیے نقصان دہ تھے۔

تحقیق سے یہ بھی معلوم ہوا ہے کہ یورپ میں نی اینڈرتھال کی آبادی قدرتی چناؤ کے اصول کے تحت رفتہ رفتہ سکڑ رہی تھی۔

Read 513 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto