امریکی صدارتی انتخابات میں سنسنی خیز موڑ،اہم ترین امیدوار صدارتی نامزدگی کی دوڑ سے باہر

بدھ, 04 مئی 2016 20:41

واشنگٹن: امریکی ریاست انڈیانا میں ڈونلڈ ٹرمپ سے بھاری شکست کے بعد ری پبلیکن امیدوار ٹیڈ کروز صدارتی نامزدگی کی دوڑ سے دستبردار ہوگئے۔غیر ملکی میڈیا کے مطابق صدارتی انتخاب سے قبل ہونے والے پرائمری انتخابات میں مسلسل ساتویں بار فتح کے بعد ڈونلڈ ٹرمپ نیو یارک میں ٹرمپ ٹاور پر اپنے حامیوں سے خطاب کرتے ہوئے کہا کہ ہم نومبر کا انتخاب کا بڑا معرکہ بھی جیتیں گے۔انڈیانا میں ڈونلڈ ٹرمپ سے شکست کے بعد ٹیڈ کروز نے صدارتی نامزدگی کی دوڑ سے دستبردار ہوتے ہوئے کہا کہ ہم نے جو ہوسکا وہ کیا تاہم ووٹروں نے دوسرے راستے کا انتخاب کیا ٗٹیڈ کروز کے دستبردار ہونے کے بعد یہ بات تقریباً یقینی ہو گئی کہ ڈونلڈ ٹرمپ ہی ری پبلکن پارٹی کے نامزد صدارتی امیدوار ہوں گے کیونکہ ان کے مقابلے میں اب صرف ریاست اوہایو کے گورنر جان کیسک ہیں جو ووٹوں کے لحاظ سے ڈونلڈ ٹرمپ سے کافی پیچھے ہیں۔صدارتی انتخاب میں ڈونلڈ ٹرمپ کا مقابلہ ڈیموکریٹک کی ممکنہ امیدوار ہیلری کلنٹن سے ہوگا۔ٹیڈ کروز کے دستبردار ہونے کے چند بعد ہی ری پبلیکن پارٹی کے اعلیٰ عہدیدار نے پارٹی کے سربراہ رینس پریبس کا حوالہ دیتے ہوئے کہا کہ ڈونلڈ ٹرمپ ہی پارٹی کے ممکنہ صدارتی امیدوار ہوں گے، جبکہ ہم مل کر ہیلری کلنٹن کا مقابلہ کریں گے ٗدوسری جانب انڈیانا کے پرائمری انتخاب میں ڈیموکریٹ پارٹی کے امیدوار برنی سینڈرز نے ہیلری کلنٹن کو اپ سیٹ شکست دیدی ٗبرنی سینڈرز نے ہیلری کلنٹن کو 46.8 فیصد کے مقابلے میں 53.2 فیصد ووٹ حاصل کرکے ہرایا، تاہم وہ اب بھی ہیلری کلنٹن سے ووٹوں کی گنتی میں کافی پیچھے ہیں ٗامریکا میں صدارتی دوڑ کے لیے انتخاب نومبر میں ہوگا۔

Read 543 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto