دماغی طور پر مردہ خاتون نے بچے کو جنم دیا

بدھ, 08 جون 2016 11:48

پرتگال میں ہسپتال انتظامیہ کے مطابق دماغی طور پر مردہ قرار دی گئی خاتون نے ایک بچے کو جنم دیا تھا، اس خاتون کا دماغ تقریباً چار ماہ سے مردہ حالت میں تھا۔

بچے کی پیدائش لزبن ہسپتال کے سیزرین سیکشن میں 32 ہفتوں کے بعد ہوئی اور اس کا وزن 2.35 کلوگرام تھا۔

اس خاتون کو 20 فروری کو دماغ کی شریان پھٹنے کے بعد دماغی طور پر مردہ قرار دے دیا گیا ہے۔

اس وقت وہ خاتون حاملہ تھیں اور طبعی معائنوں سے سامنے آیا کہ جنم لینے والا بچہ صحت مند حالت میں ہے، جس کے بعد اس کے بچے کے والد نے اسے اسی حالت میں رکھنے کی حامی بھری تھی۔

ڈاکٹروں کا کہنا ہے بچے کا جب منگل کو جنم ہوا تو وہ اچھی حالت میں تھا۔ تاہم انھوں نے یہ واضح نہیں کیا کہا ابھی تک وہ خاتون مصنوعی طور پر زندہ رکھا گیا ہے یا نہیں۔

خیال رہے کہ کسی بھی خاتون کے دماغ کو مردہ قرار دیے جانے کے بعد رحم میں بچے کے پرورش پانے کا یہ طویل ترین دورانیہ ہے۔

اس سے قبل جنوری میں پولینڈ کے شہر راکلا میں اسی طرح ایک بچے کی پیدائش ماں کا دماغ مردہ قرار دیے جانے کے 55 روز بعد ہوئی تھی۔

پیدائش کے وقت اس بچے کا وزن ایک کلوگرام تھا اور اپریل میں اسے گھر بھیج دیا گیا تھا۔

Read 2074 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto