میچ فکسرز پر تاحیات پابندی لگنی چاہیے

جمعرات, 09 جون 2016 14:58

انگلینڈ کی کرکٹ ٹیم کے کپتان الیسٹر کک کا کہنا ہے کہ وہ میچ فکسنگ میں ملوث کھلاڑیوں پر تاحیات پابندی کے حامی ہیں۔

تاہم انھوں نے یہ بھی کہا ہے کہ میدان میں انھیں پاکستانی فاسٹ بولر محمد عامر کا سامنا کرنے پر کوئی تحفظات نہیں جو سپاٹ فکسنگ کے جرم میں پانچ سال کی پابندی کا سامنا کرنے کے بعد ایک مرتبہ پھر انگلینڈ کے دورے کے لیے اعلان کردہ پاکستانی سکواڈ کا حصہ ہیں۔

پاکستانی کرکٹ ٹیم انگلینڈ کے خلاف 14 جولائی سے سیریز کا آغاز کر رہی ہے تاہم محمد عامر کی پاکستانی ٹیم کے ہمراہ انگلینڈ آمد ویزا ملنے سے مشروط ہے۔

الیسٹر کک نے کہا کہ ’عامر اپنی سزا کاٹ چکا ہے۔‘

24 سالہ عامر کو سپاٹ فکسنگ کے جرم میں تین ماہ کے لیے قید کی سزا کاٹنا پڑی تھی۔

الیسٹر کک نے کہا کہ ’مجھے عامر کے واپس آنے اور کھیلنے پر کوئی اعتراض نہیں۔ لیکن میرے ذاتی خیال میں آئی سی سی کو کہنا چاہیے کہ اگر آپ میچ فکسنگ کرتے ہوئے پکڑے گئے تو آپ پر عمر بھر کے لیے پابندی لگے گی۔‘

ان کا کہنا تھا کہ یہ کرکٹ کے کھیل کے ’تحفظ کے لیے لازمی‘ ہے۔

انگلش کپتان نے کہا کہ یہ کچھ عجیب سی بات ہے کہ عامر کی انگلینڈ میں واپسی ممکنہ طور پر اسی میدان میں ہو گی جہاں سپاٹ فکسنگ کی وجہ سے وہ پابندی کا شکار ہوئے تھے۔

محمد عامر پر سنہ 2010 میں دورۂ انگلینڈ کے دوران لندن کے لارڈز کرکٹ گراؤنڈ میں رقم کے عوض نو بال کروانے پر سپاٹ فکسنگ کا جرم ثابت ہوا تھا۔

Read 279 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto