کراچی میں فیکٹری ملازمین کا بونس نہ ملنے پر احتجاج اور توڑ پھوڑ، 2 گاڑیاں نذر آتش

پیر, 04 جولائی 2016 15:55

کراچی: کورنگی میں واقع ایک نجی فیکٹری کے ملازمین نے عید الفطر کے موقع پر بونس نہ ملنے پر 2 گاڑیوں کو نذر آتش جب کہ متعدد کو شدید نقصان پہنچایا ہے۔

 کراچی کے کورنگی انڈسٹریل ایریا میں ویٹا چورنگی کے قریب واقع ایک گارمنٹس فیکٹری کے ملازمین نے سالانہ بونس نہ ملنے پر احتجاج کرتے ہوئے روڈ بلاک کردی۔ ملازمین نے ناصرف فیکٹری کے اندر توڑ پھوڑ کی بلکہ فیکٹری کے باہر دو گاڑیوں کو نذر آتش کرنے کے علاوہ کئی قیمتی املاک کو بھی نقصان پہنچایا۔

واقعے کی اطلاع ملتے ہی پولیس اور رینجرز کی بھاری نفری پہنچ گئی اور مظاہرین کو منتشر کرنے کےلئے شیلنگ ، لاٹھی چارج اور ہوائی فائرنگ بھی کی۔ پولیس کی ہوائی فائرنگ کے باعث بھگڈر مچ گئی جس کی زد میں آکر ایک  خاتون اور ایک بزرگ شخص زخمی ہوگئے جنہیں ریسکیو اہلکاروں نے قریبی اسپتال پہنچایا۔

 مظاہرین کا کہنا تھا کہ کمپنی انتظامیہ کی جانب سے سالانہ بونس عید سے پہلے دینے کا وعدہ کیا گیا تھا لیکن تاحال وعدے کی پاسداری نہیں کی گئی اور آج ملازمین کی جانب سے احتجاج کے بعد کمپنی کے اعلیٰ حکام نے صرف آدھا بونس دینے کا کہا ہے جبکہ دوسری جانب عید کے باعث کل سے بینک بھی بند ہوجائیں گے۔

Read 586 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto