وہ شہر جہاں گرمی اتنی بڑھ گئی کہ جہاز اُڑانا ناممکن ہوگیا، پروازیں منسوخ کردی گئیں

بدھ, 21 جون 2017 20:36

نیویارک: موسمیاتی تبدیلیوں کے باعث ہر موسم گرما میں گزشتہ سال کی نسبت گرمی کی شدت زیادہ ہوتی ہے اور اس سال بھی یہ اپنے سابق ریکارڈ توڑ رہی ہے۔ گرمی کی شدت انسانوں اور جانوروں کو تو ہلکان کرتی تھی اب اس قدر زیادہ ہو چکی ہے کہ ہوائی جہازوں کی پرواز میں بھی رکاوٹ بننے لگی ہے۔ آپ یہ جان کر ششدر رہ جائیں گے کہ امریکی ریاست ایریزونا کے شہر فوئنکس سے جانے والی درجنوں پروازیں گرمی کی وجہ سے منسوخ کر دی گئی ہیں کیونکہ طیارے گرمی کے باعث اڑان ہی نہیں بھر پا رہے۔

 

رپورٹ کے مطابق فوئنکس کے ’سکائی ہاربر انٹرنیشنل ایئرپورٹ‘ پر ’بمبارڈیئر سی آر جے طیارے‘ مقامی پروازوں کے لیے استعمال ہوتے ہیں جو زیادہ سے زیادہ 118ڈگری درجہ حرارت پر پرواز کر سکتے ہیں لیکن وہاں اب درجہ حرارت 120ڈگری تک جا چکا ہے۔ بتایا گیا ہے کہ گرمی کے باعث ہوا کا وزن کم ہو جاتا ہے اور طیاروں کو اڑنے کے لیے رن وے پر اضافی تیزرفتاری کی ضرورت پڑتی ہے، لیکن رن وے کی لمبائی اتنی طویل نہیں ہوتی کہ طیارے اتنی زیادہ رفتار پکڑنے تک اس پر دوڑ سکیں۔ لہٰذا امریکی ایئرلائنز نے اس ایئرپورٹ سے اپنی پروازیں منسوخ کر دی ہیں اور مسافروں کو سیٹوں کی دوبارہ بکنگ یا ری فنڈ لینے کی ہدایت کر دی ہے۔

Read 2211 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto