یمنی سرحد پر حوثیوں کا میزائل حملہ، سعودی شہری جاں بحق، خاتون سمیت تین افرادزخمی

جمعرات, 10 مارچ 2016 20:14
 

الریاض : سعودی عرب میں شہری دفاع کے ادارے نے بتایا ہے کہ حوثی باغیوں نے یمن کی اراضی سے متعدد میزائل فائر کر کے یمن کی سرحد کے ساتھ واقع سعودی صوبے جازان کو نشانہ بنایا ، جس میں ایک سعودی شہری جاں بحق اور 3 زخمی ہو گئے ۔

عرب ٹی وی کے مطابق باغی حوثیوں کے اس حملے میں ایک سعودی شہری جاں بحق اور تین زخمی ہوگئے، جن میں ایک خاتون بھی شامل ہے، جنہیں  فوری طور پر ہسپتال منتقل کردیا گیا ہے ۔اس سے قبل یمن میں قبائلی عمائدین کی وساطت کاری کے نتیجے میں یمن اور سعودی عرب کی مشترکہ سرحد پر خاموشی دیکھنے میں آئی تھی۔ اس اقدام کا مقصد فوجی آپریشن کے علاقوں کے نزدیک واقع یمنی دیہاتوں اور قصبوں میں طبی اور امدادی سامان کے داخلے کو ممکن بنانا تھا۔ اتحادی افواج نے "علب" کی سرحدی گزرگاہ کے ذریعے سامان کی منتقلی کی اجازت دے دی۔دوسری جانب ایک ہفتے کے وقفے کے بعد اتحادی طیاروں نے ایک مرتبہ پھر دارالحکومت صنعاء میں ملیشیاؤں کے ٹھکانوں کو حملوں کا نشانہ بنایا ہے۔ صنعاء کا جنوبی حصہ زوردار دھماکوں سے گونج اٹھا جہاں عینی شاہدین کے مطابق اتحادی طیاروں نے الحفا عسکری کیمپ، جبل النہدین اور صدارتی دفتر پر بمباری کی۔ادھر تعز میں سرکاری فوج اور عوامی مزاحمت کاروں نے صوبے کے مغربی حصے میں متعدد ٹھکانوں کا کنٹرول حاصل کرلیا جن میں تبۃ الخوعۃ، شارع غزہ اور الدحی کراسنگ شامل ہیں۔یہ پیش رفت عوامی مزاحمت کاروں اور سرکاری فوج کی جانب سے البعرارہ، الحصب، الدحی اور حبیل سلمان کے علاقوں میں باغیوں کے ٹھکانوں پر تمام اطراف سے ایک وسیع حملے کے بعد دیکھنے میں آئی ہے۔

 

Read 320 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto