ویسٹ انڈیز کیخلاف انجرڈ ہونے والی جویریہ خان ورلڈ ٹی 20 سے باہر ہوگئیں

جمعرات, 17 مارچ 2016 19:00

نئی دلی: پاکستان اور ویسٹ انڈیز کی ویمن کرکٹ ٹیموں کے مابین کھیلے گئے ورلڈ ٹی 20 کے میچ میں انجری کا شکار ہونے والی پاکستانی بلے باز جویریہ خان ایونٹ سے باہر ہوگئی ہیں۔
تفصیلات کے مطابق بھارتی شہر چنئی میں پاکستان اور ویسٹ انڈیز کی ٹیموں کے درمیان کھلیے گئے میچ کے پہلے اوور میں ویسٹ انڈیز کی بولر شمیلا کونیل کی گیند پاکستانی اوپنر جویریہ خان کے ہیلمٹ پر جالگی جس سے ان کا جبڑا زخمی ہوگیا اور انھیں فوری طور پرسٹریچر پر ڈال کر مقامی ہسپتال منتقل کیاگیا تھا جہاں ان کا علاج جاری ہے۔

انجری زیادہ ہونے کی وجہ سے قومی ویمنز ٹیم جویریہ خان کے بغیر ہی چنائی سے نئی دلی روانہ ہوگئی ہے جہاں ہفتے کو ان کا روایتی حریف بھارت سے ٹاکرا ہوگا۔

ذرائع کے مطابق جویریہ خان تاحال چنئی کے ہسپتال میں زیر علاج ہیں اور پاکستان ٹیم کی فزیوتھراپسٹ بھی ان کے ساتھ ہسپتال میں موجود ہے اور امکان ظاہر کیا جارہا ہے کہ جویریہ خان ایونٹ میں مزید حصہ نہیں لے سکیں گی اور حالت بہتر ہونے پر ان کی وطن واپسی متوقع ہے۔
واضح رہے کہ بدھ کو کھیلے گئے میچ میں ویسٹ انڈیز نے پاکستان ویمن ٹیم کو 4 وکٹوں سے شکست دے دی تھی۔

Read 188 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto