کراچی میں رینجرزاورپولیس کی مختلف کارروائیاں،12ملزمان زیرِ حراست

جمعہ, 15 جنوری 2016 14:02

کراچی میں رات گئے قانون نافذ کرنے والے ادارے ایکشن میں نظر آئے، پولیس اور رینجرز نے مختلف کارروائیوں میں ٹارگٹ کلرز سمیت کم از کم 12 ملزمان کو گرفتار کرلیا۔

تفصیلات کے مطابق مچھر کالونی میں پولیس کا اسٹریٹ کرمنل سے مقابلہ ہوا، دو طرفہ فائرنگ کے تبادلہ کے بعد دو ملزمان کو زخمی حالت میں گرفتار کرلیا۔ پولیس کے مطابق ملزمان اسٹریٹ کرائم کی درجنوں واردتوں میں ملوث ہیں۔

سٹی ریلوے کالونی سے حساس ادارے نے ایک شخص کو حراست میں لے لیا، جس کو تفتیش کے لئے نامعلوم مقام پر منتقل کردیا گیا۔

ادھرلیاری پھول پتی لین اور گل محمد لین میں قانون نافذ کرنے والے اداروں نے چھاپہ مارکر لیاری گینگ وار بابا لاڈلا گروپ کے 3 کارندوں کو گرفتارکرلیا۔

دوسری جانب رینجرز نے پرانی سبزی منڈی اور فشریز کے علاقوں میں چھاپہ مارکر 5 دہشت گردوں کو گرفتار کرکے اسلحہ برآمد کرلیا۔ ترجمان رینجرز کے مطابق گرفتار دہشت گردوں کا تعلق کالعدم تنظیموں سے ہے۔

ایف سی ایریا میں بھی رینجرز نے ٹارگٹڈ آپریشن کیا اور ملزم عبدالرشید عرف کاشف کو گرفتار کرلیا۔ ملزم بارہ افراد کی ٹارگٹ کلنگ میں ملوث ہے، جبکہ ملزم سیاسی کارکنوں اور تاجروں کو قتل کرچکا ہے۔

Read 173 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto