8سالوں سے جانتا ہوں ،ہم تین دوست پارک ایک ساتھ گئے ،وہ حملہ آور نہیں تھا :مبینہ خود کش حملہ آور محمد یوسف کے زخمی دوست محمد یعقوب کا بیان

پیر, 28 مارچ 2016 21:48

لاہور : سانحہ گلشن پارک میں ابتدائی طور پر پولیس کی جانب سے خود کش حملہ آور قرار دیے جانے والے محمد یوسف کے قریبی ساتھی محمد یعقوب نے کہا ہے کہ یوسف ان کے ساتھ پارک گیا تھا،وہ حملہ آور نہیں ہو سکتا۔
تفصیلات کے مطابق دھماکے میں زخمی ہونے والے محمد یعقوب کا کہنا ہے کہ وہ،یوسف اور ان کا ایک دوست بلال ایک ساتھ موٹر سائیکل پر پارک گئے ،وہاں تصاویر بنوائیں اور نماز پڑھی ۔ یوسف اور بلال دھماکے میں جاں بحق ہو گئے جبکہ وہ زخمی ہوا۔زخمی محمد یعقوب کا مزید کہنا تھا کہ وہ یوسف کو گزشتہ 8 سالوں سے جانتا ہے اور وہ دونوں چوبرجی میں ایک مدرسے میں ایک ساتھ بڑھتے تھے ۔یوسف بہت اچھا انسان تھا اور اچھرہ میں رہتا تھا جہاں وہ آن لائن لوگوں کو قران پاک کی تعلیم دیتا تھا ۔محمد یوسف کے ایک دوسری ساتھی محمد عمر کا کہنا ہے کہ وہ 3 ماہ سے یوسف کے ساتھ اکیڈمی میں کام کر رہا ہے اور اس کے کبھی بھی ان کو کسی ایسی سرگرمی میں ملوث نہیں دیکھا،وہ انتہائی ملنسار انسان تھے ۔واضح رہے کہ گزشتہ روز گلشن اقبال پارک میں دھماکے کے کچھ دیر بعد ہی پولیس کی جانب سے یوسف کی ممکنہ خود کش حملہ آور قرار دیا گیا تھا ۔

Read 1273 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto