شہزاد کی کرکٹ بورڈ کو رویے میں بہتری کی یقین دہانی

منگل, 10 مئی 2016 11:20

پاکستانی کرکٹ ٹیم کے اوپننگ بیٹسمین احمد شہزاد نے پاکستان کرکٹ بورڈ کو خط تحریر کیا ہے جس میں مستقبل میں اپنے رویے میں بہتری لانے کی یقین دہانی کراتے ہوئے درخواست کی ہے کہ انھیں قومی کیمپ میں شامل کر لیا جائے۔

پاکستان کرکٹ بورڈ کے ذرائع نےبات کی تصدیق کی ہے کہ احمد شہزاد نے بورڈ سے رابطہ کیا ہے۔

واضح رہے کہ انضمام الحق کی سربراہی قائم سلیکشن کمیٹی نے دو مئی کو انگلینڈ کے دورے کی تیاری کے لیے قومی کیمپ کے اعلان کردہ 35 کھلاڑیوں میں احمد شہزاد اور عمراکمل کو شامل نہ کرنے کا فیصلہ کیا تھا۔

چیف سلیکٹر انضمام الحق نے دونوں کرکٹرز کو کیمپ میں شامل نہ کرنے کی وجہ ان کے ڈسپلن کے معاملات بتائے تھے اور یہ کہا تھا کہ سلیکشن کمیٹی ڈسپلن کو ہر قیمت پر اولین ترجیح دے گی تاہم اب تازہ ترین پیش رفت کے بعد اس بات کے امکانات ہیں کہ احمد شہزاد کو معافی دے کر قومی کیمپ میں بلالیا جائے جو 14 مئی سے شروع ہونے والا ہے ۔

یاد رہے کہ احمد شہزاد اور عمراکمل کے بارے میں سابق کوچ وقاریونس یہ کہتے ہوئے آئے تھے کہ دونوں کرکٹرز کے ڈسپلن کے معاملات درست نہیں ہیں ۔

وقاریونس نے سنہ 2015 کے عالمی کپ اور پھر حالیہ ورلڈ ٹی20 کی اپنی رپورٹ میں بھی دونوں کرکٹرز کے بارے میں ذکر کیا تھا۔

غور طلب بات یہ ہے کہ پاکستانی کرکٹ ٹیم کے منیجر انتخاب عالم نے بھی اپنی رپورٹ میں عمراکمل اور احمد شہزاد پر تنقید کی تھی۔

Read 408 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto