غیر تراشیدہ ہیرے کی چھ کروڑ 30 لاکھ ڈالر میں نیلامی

منگل, 10 مئی 2016 15:01

افریقی ملک بوسٹوانا میں ہیروں کی کان کنی کرنے والی ایک کینیڈین کمپنی نے 813 قیراط وزنی ایک ہیرے کی چھ کروڑ 30 لاکھ ڈالر میں نیلامی کی ہے۔

کینیڈین کمپنی لوکارا ڈائمنڈ کے سی ای او کی جانب سے پیر کو جاری کردہ ایک بیان میں بتایا کہ نیلامی میں یہ کسی بھی ’بغیر ترشے ہوئے ہیرے کی سب سے زیادہ قیمت ہے، اس نے گذشتہ تمام ریکارڈ توڑ دیے ہیں۔‘

یہ پیش قیمت پتھر بوسٹوانا سے دریافت ہوا تھا اور اس کو خریدنے والے کا نام اور خریداری کی شرائط کو افشا نہیں کیا گیا۔

لوکارا ڈائمنڈ کا کہنا ہے کہ وہ اس نیلامی کے بعد ہیرے کی تراش خراش اور پالش کرنے کے بعد نیلامی سے حاصل ہونے والے منافعے کے دس فیصد حصے کا بھی حق دار ہوگا۔

ایسا لگتا ہے کہ نیلامی کا یہ ریکارڈ زیادہ عرصہ قائم نہیں رہ سکے گا۔ کیونکہ لوکارا اس سے بڑا ہیرا نیلامی کے لیے پیش کرنے والی ہے۔

1109 قیراط وزنی ایک ہیرا 29 جون کو لندن میں نیلامی کے لیے پیش کیا جائے گا۔

یہ دونوں ہیرے بوسٹوانا کی کارووے کان سے ملے ہیں جہاں لوکارا ہیروں کی کان کنی کر رہی ہے۔ اس کان سے حاصل ہونے والے ہیروں کی وجہ سے اس کان کو خاص اہمیت دی جارہی ہے۔

دوسری جانب سویڈن کے دارالحکومت سٹاک ہوم کے سٹاک ایکچینج میں لوکارا کمپنی کے حصص میں 8.58 فیصد اضافہ دیکھا گیا ہے۔

اس کینیڈین کمپنی میں زیادہ تر حصص سویڈن کی لنڈن خاندان کے ہیں۔

Read 543 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto