آئیڈئیل لیون میسی سے ملاقات اور فٹبال سٹار بنناسب سے بڑا خواب ہے:افغان ’لِٹل میسی‘کاانٹرویو

پیر, 01 فروری 2016 18:32

کابل (مانیٹرنگ ڈیسک) پلاسٹک بیگ سے بنی لیون میسی کے نام کی جرسی پہن کر اکثر افغان صوبہ غزنی میں اپنے گھر کے باہر فٹبال کھیلنے والے کم سن افغان بچے جسے لٹل میسی کا نام دیا گیا ہے نے بڑا ہو کر بارسیلونا کے سٹار لیون میسی جیسا فٹبالر بننے کے خواب کا اظہار کر دیا ہے ۔ 
چین کی سرکاری خبر ایجنسی شنہوا نے اس پانچ سالہ کم سن مرتضٰی احمدی تک رسائی حاصل کر لی ہے اور اس سے انٹرویو کیا ہے ۔ مرتضی احمد نے انٹرویو کے دوران شنہوا کو بتایا کہ میری سب سے بڑی خواہش ایک روز میسی سے ملنے کی ہے ۔ اور ان سے فٹبال کھیلنا سیکھ کر ان کی طرح فٹبال سٹار بننا میرا خواب ہے ۔
شنہوا کے نمائندے نے جب لٹل میسی کے گھر تک رسائی کی تو دیکھا کہ اس بچے کا گھر میسی کے پوسٹرز سے بھرا ہوا تھا اور وہ شدید سردی اور برف باری میں گھر کے باہر دیگر بچوں کے ہمراہ فٹبال کھیل رہا تھا ۔ لٹل میسی نے مزید بتایا کہ وہ فٹبال کھیلنے کا بہت زیادہ شوقین ہے اور میسی کے کھیلنے کی مہارت کی مشق کرتا ہے ۔

یاد رہے کہ لٹل افغان میسی کی سوشل میڈیا پر تصاویر شائع ہونے پر دنیا بھر میں اس بچے کے لئے نیک خواہشات کا اظہار کیا گیا تھا جبکہ لیون میسی نے اس معصوم مداح کو پلاسٹک بیگ کی میسی شرٹ میں ملبوس دیکھا تو فر ط جذبات سے رہ نہ پائے اور خواہش کا اظہار کیا کہ ایک روز وہ اس بچے کے لئے ضرور کچھ کریں گے ۔

Read 280 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto