نواز شریف اتنا تنگ کریں جتنا برداشت کر سکیں،دو تین وزراءمیٹھا بولیں اور ہر وقت منہ میں گولی رکھیں:مولابخش چانڈیو

اتوار, 14 فروری 2016 15:36

حیدرآباد(مانیٹرنگ ڈیسک)مشیر اطلاعات سندھ مولابخش چانڈیو نے کہا ہے کہ پیپلزپارٹی کو کمزور کرنا وفاق پاکستان کو کمزور کرنے کے مترادف ہے ،ڈاکٹر عاصم کیس کی تحقیقات میں کیا نکلا ؟،عزیر بلوچ کو ایسے پیش کیا گیا جیسے کل ہی گرفتار کیا گیا، نواز شریف اتنا تنگ کریں جتنا کل برداشت کر سکیں۔پریس کانفرنس کرتے ہوئے انہوں نے کہا کہ پیپلزپارٹی کا میڈیا ٹرائل کیا جا رہا ہے ،سازشیں ہو رہی ہیں عجیب و غریب لوگوں کو نکالا جا رہا ہے ،پیپلزپارٹی کیخلاف کچھ نہ ملے تو ایان علی کو کھڑا کر دیا جاتا ہے ۔

مولابخش چانڈیو نے کہا کہ عزیر بلوچ کو ایسے پیش کیا گیا جیسے کل ہی گرفتار کیا گیا ہو بتایا جائے ڈاکٹر عاصم کیس کی تحقیقات میں کیا نکلا ؟پیپلزپارٹی کے ساتھ دہشتگردی کو نتھی نہیں کیا جا سکتا ۔انہوں نے وزیر اعظم نواز شریف کو مخاطب کرتے ہوئے کہا کہ جب خیبر پختونخوا کے وزیر اعلی وفاق کے خلاف نکلے تو آپ کو بہت برا لگا لیکن جب وزیر اعلیٰ شہباز شریف وفاق کے خلاف باہر نکلے تو میاں صاحب تب آپ نے انہیں نہ روکااور ہمارے وزیر اعلیٰ انتہائی شریف ہیں کوئی جلوس نہ نکالا۔انہو ں نے کہا کہ نیشنل ایکشن پلان پورے پاکستان کے لئے ہے ، ایک وزیر جب کراچی آتے ہیں تو آگ لگا جاتے ہیں، میاں صاحب! بتانا چاہتا ہوں کہ وہ وفاقی وزیر نہ تو آپ کا وفادار ہی اور نہ ملک کا ۔ سندھ ، بلوچستان کا نام سن کر ن لیگ کے وزیروں کے چہروں کا رنگ بدل جاتا ہے ۔
اس موقع پر سوال کیا کہ چودھری نثار نے کس کی پونچھ دیکھ لی ہے ،دم پر پاﺅں رکھنے کی بات کرنے والوں کا لب و لہجہ حیران کن ہے ،عدلیہ سندھ کے ساتھ ہونیولی زیادتیوں کا نوٹس لے ۔ انہوں نے کہا کہ پرویز رشیداور دیگر دو تین وزراءمیٹھا بولیں اور ہر وقت منہ میں گولی رکھیں۔

Read 215 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto