انتخابی اصلاحات کی ذیلی کمیٹی کا اجلاس، بائیومیٹرک مشین کے استعمال جزویات طے، الیکشن کمیشن سے 3 لاکھ الیکٹرانک ووٹنگ مشینوں کا تخمینہ بھی طلب

بدھ, 24 فروری 2016 18:11

اسلام آباد (مانیٹرنگ ڈیسک) انتخابی اصلاحات کی ذیلی کمیٹی نے بائیو میٹرک مشین کے استعمال کی جزویات طے کر لی ہیں اور الیکشن کمیشن سے 3 لاکھ الیکٹرانک ووٹنگ مشینوں کا تخمینہ طلب کر لیا ہے ۔ 
تفصیلات کے مطابق وفاقی وزیر زاہد حامد کی زیر صدارت انتخابی اصلاحات کی ذیلی کمیٹی کا اجلاس ہوا جس میں خواتین کی تصاویر پر مشتمل ووٹر فہرستیں امیدواروں کو نہ دینے کی سفارش کی گئی جبکہ ووٹر فہرستوں میں مردوں کی تصاویر کے بارے میں حتمی فیصلہ نہ کیا جا سکا۔ زاہد حامد کا کہنا تھا کہ ریٹرننگ افسر کے پاس مردوں اور خواتین کی تصاویر پر مشتمل ووٹر فہرستیں ہوں گی جبکہ امیدواروں کو دی جانے والی ووٹر فہرستوں میں مردوں کی تصاویر شامل کرنے فیصلہ آئندہ اجلاس میں کیا جائے گا۔ 
ذرائع کے مطابق کمیٹی نے الیکشن کمیشن سے تین لاکھ الیکٹرانک ووٹنگ مشینوں کا تخمینہ بھی طلب کر لیا ہے اور زاہد حامد کا کہنا ہے کہ الیکشن کمیشن آئندہ ہفتے 400 الیکٹرانک ووٹنگ مشینوں کی خریداری کا ٹینڈر جاری کرے گا۔ ان کا کہنا تھا کہ الیکٹرانک ووٹنگ مشین اور بائیو میٹرک مشین کا تجربہ ستمبر کے بعد ضمنی الیکشن میں کیا جائے گا جبکہ سمندر پار پاکستانیوں کی ووٹنگ سے متعلق بین الاقوامی ماہر کی رپورٹ ایک ہفتے تک مل جائے گی جس کے بعد ان سے متعلق حتمی فیصلہ کیا جا سکے گا۔

Read 202 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto