محبوبہ مفتی مقبوضہ کشمیر کی وزیراعلیٰ نامزد حلف اٹھانے تک وادی میں گورنرراج نافذ

ہفتہ, 09 جنوری 2016 16:14

سرینگر:  مقبوضہ کشمیر میں پیپلز ڈیموکریٹک پارٹی نے محبوبہ مفتی کو وزیراعلیٰ نامزد کر دیا ہے جبکہ مفتی سعید کی موت کے بعد مودی سرکار نے مقبوضہ کشمیر میں گورنر راج لگا دیا جو محبوبہ مفتی کے وزارت اعلیٰ کے حلف اٹھانے تک برقرار رہے گا۔

اس حوالے سے پیپلز ڈیموکریٹک پارٹی (پی ڈی پی ) کے ارکان اسمبلی نے گورنر این این ووہرا کو ایک خط کے ذریعے بتایا کہ وہ محبوبہ مفتی کو نیا وزیر اعلیٰ بنانا چاہتے ہیں، پارٹی کے ایک وفد نے سرینگر میں گورنر این این ووہرا سے اس سلسلے میں ملاقات بھی کی اور محبوبہ مفتی کو وزیراعلیٰ نامزد کرنے کے فیصلے سے آگاہ کیا۔

محبوبہ مفتی فی الحال لوک سبھا کی رکن ہیں، وہ کشمیر کے وزیراعلیٰ کے طور پر کب حلف اٹھائیں گی اس بارے میں پی ڈی پی نے کوئی حتمی تاریخ نہیں بتائی ہے، اگر وہ وزیراعلیٰ کے عہدے پر فائز ہو جاتی ہیں تو گزشتہ 40 سال میں کشمیر کی پہلی خاتون وزیراعلیٰ ہوں گی۔

Read 1073 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto