کالعدم تنظیموں سے تعلق رکھنے والے چار مبینہ دہشت گرد گرفتار

لاہور : سی ٹی ڈی نے کالعدم تنظیموں سے تعلق رکھنے والے چار مبینہ دہشت گردوں کو گرفتار کرلیا۔

پولیس کے محکمہ انسداد دہشت گردی (سی ٹی ڈی) نے ممکنہ دہشت گردی کے پیش نظر پنجاب بھر میں خفیہ معلومات کی بنیاد پر 37 آپریشن کیئے، جس کے دوران چار مبینہ دہشت گردوں کو گرفتار کرلیا گیا ہے۔

ترجمان کے مطابق دہشت گردوں کا تعلق کالعدم تنظیموں سے ہے، جن کے قبضے سے اسلحہ، بارودی مواد اور ڈیٹو نیٹر ڈیوائسز بھی برآمد کی گئیں ہیں۔ آپریشنز کے دوران 39 مشتبہ افراد کو حراست میں لیکر تفتیش کی گئی۔