اشتعال انگیز اور شرانگیز مواد سے متعلق امریکی کمپنی میٹا کی ملکیت فیس بک اور انسٹاگرام کا دہریٰ معیار کھل کر سامنے آگیا۔
میٹا کمپنی نے روس کیخلاف سوشل میڈیا پلیٹ فارمز پر اشتعال انگیز مواد روکنےکی پالیسی تبدیل کرتے ہوئے فیس بک اور انسٹاگرام کو روس کیخلاف نفرت انگیز پوسٹنگ کی اجازت دے دی۔
میٹا پلیٹ فارم نے یوکرین سے جنگ کے تناظر میں امریکا اور یورپ سمیت کئی ممالک میں صارفین کو نفرت انگیز پوسٹوں کی اجازت دی ہے۔
روس نے الزام عائد کیا ہے کہ میٹاپلیٹ فارم کا دہریٰ معیار کھل کر سامنے آگیا ہے روس کیخلاف نفرت انگیز، پرتشدد مواد کی اجازت دی گئی ہے۔ روس نے امریکا سے میٹا پلیٹ فارم کی پالیسی میں دہریٰ معیار روکنے کا مطالبہ کیا ہے۔
ترجمان میٹا نے واضح کیا ہے کہ یوکرین حملے پر روس کیخلاف نفرت انگیز تبصرے کی اجازت ہے۔ سماجی رابطہ سائٹ فیس بک اور انسٹاگرام میٹا پلیٹ فارم کا حصہ ہیں۔
