اب نیب بھی سلطنت نیازییہ کو نہیں بچا سکتا : شازیہ مری

اسلام آباد :  عدم اعتماد کی تحریک کامیاب ہو چکی ، اب نیب بھی سلطنت نیازییہ کو نہیں بچا سکتا۔

شازیہ مری نے جاری بیان میں کہا ہے کہ حزب اختلاف کا ہر قدم آئینی اور جمہوری ہے ،  چاہتے تھے عمران خان باعزت طریقے سے مستعفیٰ ہوتے ، کوئی باوقار کام عمران خان کی قسمت میں لکھا ہوا ہی نہیں۔

ترجمان پیپلزپارٹی کا کہنا تھا کہ عدم اعتماد کی تحریک کامیاب ہو چکی ہے ، اب نیب بھی سلطنت نیازییہ کو نہیں بچا سکتا ، عمران خان اسٹیل ملز سے برطرف کیئے گئے ملازمین کی بد دعاؤں کی لپیٹ میں آ چکے ہیں۔

ان کا کہنا تھا کہ عمران خان نے لاکھوں غریبوں کو گھر کی چھت سے محروم کیا ، شہید بی بی کا قول سچا ثابت ہو چکا جمہوریت بہترین انتقام ہے حزب اختلاف کا ہر قدم آئینی اور جمہوری ہے۔