یوٹیلٹی اسٹورز پر چینی اور آٹے کی قیمتوں میں کمی

اسلام آباد : ملک بھر کے یوٹیلٹی اسٹورز پر چینی اور آٹے کی قیمتوں میں کمی کردی گئی ہے۔

ترجمان یوٹیلیٹی اسٹورز کارپوریشن کے مطابق ملک بھر کے یوٹیلٹی اسٹورز پر وزیراعظم کی ہدایت کے بعد چینی اور آٹے کی قیمتوں میں بھی کمی کر دی گئی ہے، کمی کا اطلاق فوری طور پر نافذالعمل ہے۔

چینی میں 15 روپے کی سبسڈی کے بعد 85 روپے سے کم کر کے 70 روپے فی کلو کر دی گئی۔ آٹے کے 20 کلو تھیلے کی 800 روپے میں فروحت کی جارہی ہے۔

یوٹیلیٹی اسٹورز پر رمضان ریلیف پیکج کے تحت 20 کلو آٹے کا تھیلا 950 روپے میں فروخت ہو رہا تھا۔ پیکج کے تحت 19 اشیاء کی فروخت شناختی کارڈ سے منسلک کر دی گئی ہے، شناختی کارڈ کو لازمی قرار دیا گیا ہے۔