کراچی میں بارش کی وجہ سے مختلف علاقوں سے بجلی غائب

کراچی: مختلف علاقوں میں وقفے وقفے سے ہلکی اور تیز بارش کا سلسلہ جاری ہے۔

اورنگی ٹاؤن ،شارع فیصل، گلشن اقبال، ناظم آباد، ملیر، سعدی ٹاؤن، نیول کالونی، صدر، گارڈن، آئی آئی چندریگر روڈ اور دیگر علاقوں میں وقفے وقفے سے ہلکی اور تیز بارش ہورہی ہے۔

تیز بارش کے بعد مختلف علاقوں میں ٹریفک جام ہوگیا ، جب کے بیشتر علاقوں میں بجلی غائب ہوگئی۔

بارش کے باعث موسم خوشگوار ہوگیا ہے اورگرمی کی شدت اور حبس میں کمی آئی ہے۔

محکمہ موسمیات کا کہنا ہےکہ بحیرہ عرب سےمون سون کاسلسلہ بدستور سندھ میں داخل ہو رہا ہے، مون سون ہواؤ ں کے زیراثرکراچی، دادو اور جامشورومیں7 جولائی تک گرج چمک کے ساتھ بارش کا امکان ہے۔

محکمہ موسمیات کے مطابق حیدرآباد، نواب شاہ، جیکب آباد اور قمبر شہدادکوٹ میں بھی7جولائی تک گرج چمک کےساتھ بارش کا امکان ہے۔

محکمہ موسمیات کا کہنا ہےکہ کراچی میں7 جولائی تک مطلع جزوی ابر آلود اور موسم مرطوب رہےگا، شام یا رات میں گرج چمک کے ساتھ بارش کادوبارہ امکان ہے۔