مشہور ٹک ٹاکر جوڑی ذوالقرنین اور کنول آفتاب کے گھر ڈکیتی کی واردات
لاہور: ٹک ٹاک کی معروف جوڑی کنول آفتاب اور ذوالقرنین سکندر کے ساتھ انتہائی افسوسناک واقعہ پیش آگیا
ٹک ٹاکر جوڑی ذوالقرنین اور کنول آفتاب کے گھر لاکھوں روپے کی چوری کی واردات ہوئی ہے۔
ٹاک ٹاکر نے سوشل میڈیا پر اپنے گھر میں ہونے والی چوری کے حوالے سے ویڈیو شیئر کی ہے جو سوشل میڈیا پر وائرل ہو رہی ہے۔
View this post on Instagram
ذوالقرنین نے ویڈیو میں بتایا کہ وہ سیلاب زدگان کیلئے ڈونیشن کی غرض سے خیر پور گئے ہوئے تھے جب وہاں سے صبح پانچ بجے واپس آئے تو گھر سب سامان بکھرا ہوا تھا، دروازوں کے لاک بھی ٹوٹے ہوئے تھے۔
ذوالقرنین کا ویلاگ میں کہنا تھا کہ ہمارے گارڈ نے ہمیں بتایا کہ دن کے وقت تو میں یہاں موجود تھا مگر چوری رات کے کسی وقت ہوئی ہے۔
ذوالقرنین نے چوری سے متعلق بتایا کہ گھر سے سارا قیمتی سامان ، پیسے، زیورات، مہنگے پرفیومز، گھڑیاں سب چوری کر کے لے گئے ہیں۔
ویڈیو میں دیکھا جا سکتا ہے کہ ٹک ٹاکر کے ساتھ پولیس بھی موجود ہے جوچوری سے کے بارے میں تفتیش کر رہی ہے اور گھر کا جائزہ لے رہی ہے۔
