الحمداللہ بالآخر عوام کو کچھ ریلیف ملا : مریم نواز

وفاقی حکومت نے آئندہ 15 روز کیلئے پیٹرولیم مصنوعات کی قیمتوں میں کمی کردی۔

پیٹرولیم مصنوعات کی قیمتوں میں کمی کے بعد مریم نواز نے بھی ٹوئٹ کرکے اپنا ردعمل دیا ہے۔

اپنی ٹوئٹ میں مریم نے کہا کہ ’الحمداللہ بالآخر عوام کو کچھ ریلیف ملا۔‘ انہوں نے وزیر خزانہ اسحاق ڈار کو ٹیگ کرتے ہوئے لکھا کہ ’خوشی کی خبر ہے۔‘

وفاقی وزیر خزانہ اسحاق ڈار کا کہنا تھاکہ پیٹرول کی قیمت 12 روپے 63 پیسے فی لیٹر کم کردی گئی ہے اور نئی قیمت 224 روپے 80 پیسے فی لیٹر ہوگی۔

ان کا کہنا تھاکہ ڈیزل کی قیمت 12روپے 13 پیسے فی لیٹرکمی کے بعد 235 روپے 30پیسے فی لیٹر مقرر کی گئی جبکہ لائٹ ڈیزل کی قیمت میں 10روپے 78پیسےفی لیٹرکمی کی گئی ہے اور اب لائٹ ڈیزل کی نئی قیمت 186 روپے50 پیسے فی لیٹر ہوگی۔