بلاول بھٹو کے انداز کا مذاق اڑانے والوں کو متھیرا کا کرارا جواب

اداکارہ متھیرا کا کہنا تھا کہ پاکستان پیپلز پارٹی بے نظیر بھٹو کی وجہ سے بے حد پسند ہے۔

اداکارہ متھیرانے ایک نجی ٹیلی ویژن کو انٹرویودیتے ہوئے بلاول بھٹو زرداری کے بات چیت کے انداز کا مذاق اڑانے والوں کو اداکارہ متھیرا نے کرارا جواب دیا ہے۔

متھیرانے کہا کہ جو لوگ بلاول بھٹو کو عورتوں والے انداز منسلک کرکے ان کا مذاق اڑاتے ہیں تو انہیں بحیثیت قوم شرم آنی چاہئے۔متھیرا نے مزید کہا کہ ایک تو کسی کا مذاق بناتے ہیں، دوسرا اسے فروغ دے کر نمایاں بھی کرتے ہیں۔

https://youtube.com/shorts/xWZFIyIWZLg?feature=share

ان کا کہنا تھا کہ ایک دوسرے پر مزاحیہ انداز میں طنز کرنا الگ بات ہے مگر کسی کی ذاتیات پر اس کی ظاہری شخصیت یا زبان کو لے کر حملہ کرنا نہایت ہی نامناسب بات ہے۔

اداکارہ متھیرانے کہا کہ انہیں پاکستان پیپلز پارٹی بے نظیر بھٹو کی وجہ سے بے حد پسند ہے۔