مخالفین کے خلاف سازش، الزام تراشی اور زہر اگلنا عمران خان کا وطیرہ ہے: وزیر اعظم
وزیر اعظم شہباز شریف نے کہا ہے کہ عمران خان نے آصف زرداری پر بے بنیاد اور خطرناک الزمات لگائے۔
سماجی رابطے کی ویب سائٹ ٹوئٹر پر اپنے ایک پیغام میں وزیر اعظم نے کہا کہ مخالفین کے خلاف سازش، الزام تراشی اور زہر اگلنا عمران خان کا وطیرہ ہے۔
شہباز شریف کا کہنا تھا کہ ایسی بے ہودہ بیان بازی سیاسی طور پر منسلک رہنے کی کوشش ہے۔
ان کا مزید کہنا تھا کہ پوری قوم عمران خان کی نفرت پر مبنی سیاست سے واقف ہے۔
Imran Niazi's baseless & dangerous allegations against former President Asif Ali Zardari are not only irresponsible but also conform to a pattern of conspiracy theories meant to spread venom against his political opponents. /1
— Shehbaz Sharif (@CMShehbaz) January 28, 2023
Such nonsensical rhetoric is an attempt to remain politically relevant. The whole nation knows how he has used politics of hatred to divide the society for the sake of power.
— Shehbaz Sharif (@CMShehbaz) January 28, 2023
دوسری جانب وزیر خارجہ بلاول بھٹو نے بھی عمران خان کی پریس کانفرنس پر ردعمل دیتے ہوئے کہا کہ مجھے اور میری پارٹی کو دھمکیاں دی جا چکی ہیں، دہشتگرد تنظیموں نے مجھے اور پارٹی کو دھمکیاں دیں، عمران خان نے آصف زرداری پر جھوٹے الزامات لگائے۔
بلاول بھٹو نے کہا کہ ایسے بیانات سے والد، خاندان اور میرے لیے خطرات بڑھ جاتے ہیں، عمران خان کے الزامات سنجیدگی سے لے رہے ہیں، ان کے الزامات پر قانونی پہلو بھی دیکھ رہے ہیں، خان والد کو بندوق کی نوک پر رکھنے کی دھمکی بھی دے چکے ہیں، عمران خان کی دہشتگردوں کی سہولت کاری تاریخ کا حصہ ہے، انہوں نے دہشتگردوں کو رہا کیا اور جمہوریت پسندوں کو گرفتار کیا۔
ان کا کہنا تھا کہ عمران خان نے خیبرپختونخوا کو دہشتگرد تنظیموں کے حوالے کیا، پی ٹی آئی کی فنڈنگ دہشت گرد گروہ آج بھی کر رہے ہیں، میرے والد، پارٹی پر حملہ ہوا تو سب کا حساب لیا جائے گا۔
