Featuredاسلام آباد
حج کے لئے زیادہ سے زیادہ تعاون کیا جائے گا،وزیر خزانہ اسحاق ڈار
وزیر خزانہ اسحاق ڈار نے وزارت مذہبی امور کے حکام کو معاشی مشکلات کے باوجود حجاج کو تمام سہولیات دینے کی یقین دہانی کرادی۔
اسلام آباد میں وزیر خزانہ اسحاق ڈار کی زیر صدارت اجلاس ہوا ، جس میں حج پالیسی 2023 کا جائزہ لیا گیا۔ اجلاس میں وفاقی وزیر مذہبی امور مفتی عبدالشکور نے بھی شرکت کی۔
اجلاس کے دوران شرکا کو بتایا گیا کہ رواں برس ایک لاکھ 79 ہزار سے زیادہ پاکستانی حج کریں گے۔
وزیر مذہبی امور نے اسحاق ڈار کو فارن ایکسچینج سے متعلق درپیش مسائل سے آگاہ کیا۔
وزیرخزانہ نے معاشی مشکلات کے باوجود حجاج کو تمام سہولیات دینے کی یقین دہانی کراتے ہوئے کہ حج مقدس فریضہ ہے، اس کے لئے زیادہ سے زیادہ تعاون کیا جائے گا۔
