خانہ جنگی کا شکار سوڈان سے پاکستانیوں کے محفوظ انخلا کا عمل جاری ہے

وزیرخارجہ بلاول بھٹو زرداری نے کہا ہے خانہ جنگی کا شکار سوڈان سے پاکستانیوں کےمحفوظ انخلا کا عمل جاری ہے، دو سو گیارہ مزید پاکستانیوں پر مشتمل قافلہ خرطوم سے سوڈان کی بندرگاہ پہنچ گیاہے۔

وزیرخارجہ کے مطابق تقریباً پانچ سو پاکستانیوں پرمشتمل پہلا قافلہ ایک روزقبل خرطوم سے سوڈان کی بندرگاہ پہنچا تھا، اوراب تک سات سوسے زائد محصور پاکستانیوں کو بحفاظت جدہ لےجانےکیلئےسوڈان کی بندرگاہ پہنچایا جاچکا ہے۔

وزیرخارجہ کا پاکستانیوں کےانخلاء میں معاون تمام دوست ممالک بالخصوص سعودی عرب سےاظہار تشکر بھی کیا ہے ۔