غیرقانونی طور پر مقیم افراد کو اپنے ملک واپس جانا ہوگا : وزیرداخلہ

فیصل آباد: پچھلے 8 ماہ میں 24 دہشت گرد حملے ہوئے ہیں، 14 حملے افغان شہریوں نے کیے۔

نگراں وزیرداخلہ سرفراز بگٹی نے کہا ہے کہ غیرقانونی طور پر مقیم افراد کو اپنے ملک واپس جانا ہوگا، دہشت گردی کے متعدد واقعات میں افغان شہری ملوث پائے گئے ہیں۔
نگراں وزیر داخلہ نے کہا کہ پچھلے 8 ماہ میں 24 دہشت گرد حملے ہوئے ہیں، 14 حملے افغان شہریوں نے کیے۔
سرفراز بگٹی نے کہا کہ اب تک تقریباً دو لاکھ غیرقانونی طور پر مقیم غیرملکی رضاکارانہ طور پر واپس جاچکے ہیں، جو غیرملکی اب بھی موجود ہیں ان کی جیوفینسنگ ہورہی ہے۔

نگراں وزیر داخلہ نے غیرقانونی طور پر مقیم غیرملکیوں کی رضاکارانہ واپسی کو سراہتے ہوئے کہا کہ آپریشن کے دوران بھی ہماری کوشش ہوگی غیرقانونی طور پر مقیم غیرملکی رضاکارانہ طور پر واپس جائیں۔