غیر شرعی نکاح کیس میں عدالت نے عمران خان کو طلب کرلیا

اسلام آباد کی عدالت نے غیر شرعی نکاح کیس میں سابق چیئرمین پی ٹی آئی کو 18 دسمبر کو طلب کرلیا گیا جبکہ بشری بی بی کی ایک روزہ حاضری سے استثنی کی درخواست منظور کر لی گئی۔

تفصیلات کے مطابق سینئرسول جج قدرت اللہ نے ایک صفحے پر مشتمل تحریری حکم جاری کردیا۔ بشری بی بی کی ایک دن کیلئے حاضری سے استثنی کی درخواست منظور کرلی گئی۔ آئندہ سماعت پر حاضری یقینی بنانے کیلئے 50 ہزار روپے کے مچلکے جمع کرانے کی ہدایت کی گئی ہے۔

حکمنامے کے مطابق سابق چیئرمین پی ٹی آئی اڈیالہ جیل میں ہیں، ملزم کی اسکائپ کے ذریعے حاضری تکنیکی وجوہات کی وجہ سے نہ ہوسکی۔ جیل سپریٹنڈنٹ کو ہدایت کی گئی ہے کہ آئندہ سماعت پر سابق چیئرمین پی ٹی آئی کی حاضری یقینی بنائیں۔

عدالت نے شکایت اور دیگر دستاویزات کی نقول فریقین کو فراہم کرتے ہوئے سماعت 18 دسمبر کو ملتوی کردی۔