مریم نواز کے قومی اور صوبائی اسمبلی کے کاغذات نامزدگی منظور

لاہور: پنجاب اسمبلی کے پی پی 80 سرگودھا کے ریٹرنگ آفیسر نے کاغذات نامزدگی پر عائد اعتراضات مسترد کردیے۔

پاکستان مسلم لیگ (ن) کی نائب صدر مریم نواز کے قومی اسمبلی کے حلقہ این اے 119 لاہور اور پنجاب اسمبلی کے حلقہ پی پی 80 سرگودھا سے کاغذات نامزدگی منظور ہوگئے۔

قومی اسمبلی کے حلقے این اے 120 سے بھی مریم نواز کے کاغذات نامزدگی منظور کر لیے گئے۔

پی پی 80 سرگودھا کے ریٹرنگ آفیسر نے کاغذات نامزدگی پر عائد اعتراضات مسترد کردیے۔

دو مقامی وکلاء کی طرف سے ان کے کاغذات نامزدگی پر اعتراضات دائر کیے گئے تھے۔

ان کی جانب سے مریم نواز پر اثاثے چھپانے اور سزا یافتہ ہونے کا الزام لگایا گیا تھا۔

درخواست گزاروں کی طرف سے نامزدگی فارم پر مریم نواز کے اصل دستخط نہ ہونے کا اعتراض بھی تھا۔

تاہم خاتون ریٹرنگ آفیسر انعم بابر نے سماعت کے بعد اعتراضات خارج کردیے۔