عالمی میڈیا اور سینما انڈسٹری میں پاکستان کو ہمیشہ منفی انداز میں پیش کیا جاتا ہے

ہمیں میڈیا اور سینما میں ایک متبادل بیانیہ پیش کرنا چاہئے اور لوگوں کو سچائی بتائیں

ایک تازہ انٹرویو میں پاکستانی اداکارہ عائشہ عمر نے کہا ہے کہ عالمی میڈیا اور سینما انڈسٹری میں پاکستان کو ہمیشہ منفی انداز میں پیش کیا جاتا ہے اور ہمیں اس پر سچ کو سامنے لانا چاہئے۔

انہوں نے کہا کہ سب سے اہم بات یہ ہے کہ ہم لوگوں کو سچائی بتائیں، دنیا کو نہ صرف ہمارا بیانیہ غلط بتایا جاتا ہے بلکہ وہ مسلمانوں کو بھی غلط پیش کرتے ہیں۔

اداکارہ کا کہنا تھا ہمیں میڈیا اور سینما میں ایک متبادل بیانیہ پیش کرنا چاہئے اور پھر لوگوں پر یہ فیصلہ چھوڑ دینا چاہئے کہ وہ کسی کے متعلق کیا فیصلہ کرتے ہیں۔

اداکارہ عائشہ عمر نے فلم ’ڈھائی چال‘ میں ایک صحافی کا کردار ادا کرنے پر اداکارہ کا کہنا تھا کہ وہ ماضی میں خود بھی صحافت کا پیشہ کرچکی ہیں اس لئے انہوں نے اس  کردار کو بہت انجوائے کیا ہے۔