پی ٹی آئی نے اسلام آباد میں جلسے کے لیے ہائی کورٹ سے رجوع کرلیا

پاکستان تحریک انصاف نے اسلام میں جلسے کی اجازت کےلیے اسلام آباد ہائی کورٹ سے رجوع کرلیا۔

ضلعی صدرعامرمغل نے اسلام آباد ہائی کورٹ میں وکیل شیر افضل مروت کے ذریعے درخواست دائر کردی، درخواست میں سیکرٹری داخلہ، چیف کمشنراور آئی جی اسلام آباد کوفریق بنایا گیا ہے۔

درخواست میں مؤقف اختیار کیا گیا ہے کہ عدالت فریقین کو30 مارچ کو رات 10 بجےاسلام آباد میں جلسہ کرنےکی اجازت دینےکا حکم دے، پی ٹی آئی کو پریڈ گراؤنڈ، ایف 9 پارک یا ڈی چوک پر جلسے کی اجازت دی جائے۔

متن کے مطابق عدالت فریقین کو جلسے کے روز سڑکیں بند کرنے،شرکا کیخلاف پر تشدد کارروائی نہ کرنے کے احکامات دے۔

واضح رہے کہ گزشتہ روز تحریک انصاف نے جلسے کی اجازت کےلیے ضلعی انتظامیہ کو بھی درخواست دی ہے۔ جلسے کی درخواست ریجنل صدر اسلام آباد عامرمسعودمغل نے ڈسٹرکٹ مجسٹریٹ کو دی۔ اسلام آباد میں 23اور 24مارچ کی درمیانی رات جلسے کی اجازت مانگ لی ہے۔