اکثر لوگ مجھے انوشکا شرما کا ہمشکل قرار دیتے ہیں : کرن ملک

لوگ مجھے ہمیشہ بولتے ہیں کہ میں بالی وڈ اداکارہ انوشکا شرما سے مشابہت رکھتی ہوں

کرن ملک نے حال ہی میں ڈیزائنر حسن شہریار یاسین (ایچ ایس وائے) کے ہمراہ پروگرام میں شرکت کی جہاں انہوں نے کیریئر سمیت دیگر معاملات پر کھل کر بات کی۔

اداکارہ اور ماڈل کرن ملک نے انکشاف کیا کہ انہیں اکثر لوگ  بھارتی اداکارہ انوشکا شرما کا ہمشکل قرار دیتے ہیں ۔

کرن ملک کا کہنا تھا کہ، لوگ مجھے ہمیشہ بولتے ہیں کہ میں بالی وڈ اداکارہ انوشکا شرما سے مشابہت رکھتی ہوں یہ سنتے ہی میزبان نے بھی اس بات سے اتفاق کرتے ہوئے کہا کہ لوگ سچ بولتے ہیں ۔
علاوہ ازیں ماضی کے تعلقات پر لب کشائی کرتے ہوئے ماڈل نے اعتراف کیا کہ ماضی میں ان کے کچھ غلط افراد سے تعلقات بھی رہے، جس وجہ سے انہوں نے مشکلات کا بھی سامنا کیا لیکن اب وہ اپنی بیٹی سے محبت کرتی ہیں۔’

کرن ملک اس وقت پاکستان کی سرفہرست خواتین ماڈلز میں سے ایک ہیں اور ان کا شمار انڈسٹری کی مشہور شخصیات میں ہوتا ہے۔