بالی ووڈ اداکارہ روینہ ٹنڈن پر مشتعل ہجوم کا حملہ
تیز رفتار ڈرائیونگ کے الزامات میں اداکارہ روینہ ٹنڈن کی مشتعل افراد سے جھڑپ ہوئی
میڈیا رپورٹس کے مطابق اداکارہ کے ڈرائیور نے مبینہ طور پر گاڑی سے 3 افراد کو ٹکر مار کر زخمی کیا تھا جس کے بعد ہجوم مشتعل ہو گیا جس کا ڈرائیور سے جھگڑا شروع ہو گیا تھا۔
غیر ملکی میڈیا کے مطابق ہفتے کی رات ممبئی میں مبینہ طور پر تیز رفتار ڈرائیونگ کے الزامات کے بعد 49 سالہ اداکارہ روینہ ٹنڈن کی مشتعل افراد سے جھڑپ ہوئی اور اسی دوران ان پر اور ڈرائیور پر حملہ کیا گیا۔
Bollywood actress #RaveenaTandon has been accused of abusing and assaulting three persons in #Mumbai‘s #Bandra suburb in the late hours of Saturday and a video of the actress being surrounded and attacked by locals has gone viral on the internet. pic.twitter.com/bGbh5Yhyfs
— The Munsif Daily (@munsifdigital) June 2, 2024
رپورٹس کے مطابق معاملہ بڑھتے ہی روینہ ٹنڈن ہجوم سے بات کرنے کے لیے اپنی گاڑی سے باہر نکلیں تو مبینہ طور پر انہیں بھی دھکا دیا گیا اور مارا گیا۔
اس واقعے کی مختلف ویڈیوز سوشل میڈیا پلیٹ فارمز پر وائرل ہو گئی ہیں جن میں سے ایک ویڈیو میں اداکارہ کو کہتے ہوئے سنا جا سکتا ہے کہ براہِ مہربانی مجھے مت مارو۔
بھارتی میڈیا کی رپورٹ میں یہ بھی کہا جا رہا ہے کہ اداکارہ نشے کی حالت میں تھیں اور انہوں نے عوام کو برا بھلا کہا اور ان پر تشدد بھی کیا۔
